Shangxey hemkarliq teshkilati herbiy manéwirining ikkinchi bölümi bashlandi


2007-08-11
Share

Shangxey hemkarliq teshkilatining " tinchliq burchi2007 " dep atalghan herbiy manéwirining ikkinchi bölümi shenbe küni rusiyining chilyabinskiy rayonida bashlandi.

Bu herbiy manéwir, shangxey hemkarliq teshkilatining atalmish üch xil küchlerge yeni bölgünchilik, térrorchiliq we esebiy diniy küchlerge qarshi turush iradisini ipadilesh we hemkarliqini kücheytishni meqset qilidiken.

Gherblik mütexesisisler, bolupmu xitay hökümitining, atalmish üch xil küchlerge zerbe bérishni shangxey hemkarliq teshkilatining heriket pilani ichige kirgüzüsh arqiliq, Uyghur musteqilchilirining ottura asiya we yawru-asiya rayonliridiki pa'aliyet da'irisini taraytishni meqset qilghanliqini bildürmekte.

Ularning éytishiche, shangxey hemkarliq teshkilatining ikki asasliq yétekchisining béri bolghan rusiyimu öz pilanini emel ge ashurushqa urunmaqta. Ular, rusiyining shangxey hemkarliq teshkilati ezaliri bilen birlikte herbiy manéwir ötküzüsh arqiliq, bolupmu ottura asiya döletliri bilen bolghan herbiy hemkarliqini kücheytip, amérikining rayonda tesir da'irisini kéngeytishining aldini élishqa tirishiwatqanliqini tekitlimekte.

Gerche, bezi gherb we rusiye metbu'atlirida shangxey hemkarliq teshkilatining herbiy manéwiri heqqide chiqqan xewerlerde, gherb döletliri bilen munasiwetliri barghansiri yiriklishiwatqan rusiye prézidénti putinning, shangxey hemkarliq teshkilatini siyasiy we herbiy bir ittipaqqa aylandurushni pilanlawatqanliqi tekitlen'gen bolsimu, emma shinxu'a agéntliqining xewer qilishiche, merkizi shangxeydiki shangxey hemkarliq teshkilati tetqiqat merkizining diréktori pan guwang, shangxey hemkarliq teshkilatining bir herbiy ittipaqqa aylanmaydighanliqini bildürgen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet