Besh dölet yéqinda ötküzülidighan herbiy manéwirning xitaygha qaritilghanliqini inkar qildi
2007.08.24
Yaponiye, amérika, awstraliye , hindistan we sin'gaporlar kéler ay bén'gal qoltuqida ötküzmekchi bolghan birleshme herbiy manéwirning xitaygha qaritilghanliqini inkar qilip, manéwirning térrorizm, déngiz qaraqchiliri we manéwirgha qatnashquchi döletler arisidiki hemkarliqni kücheytishke qaritilghanliqini bildürdi.
Amérika tinch okyan qisimlirining qomandani admiral timotiy kéting, béyjing da'irilirining manéwirni xitaygha qaritilghan, dep qarimasliqini ümid qildi. U , "amérika we bashqa döletlerning xitayni yétim qaldurush meqsidi yoq," deydu. Gerche manéwirgha qatnashquchi döletler manéwirning xitayni chekleshke qaritilghanliqini inkar qilghan bolsimu, lékin analizchilar asiya - tinch okyan rayonidiki muhim dölet hésablinidighan xitayning manéwirgha qatnashturulmighanliqi xitay herbiy küchining, bolupmu déngiz armiye küchining téz kéngiyiwatqanliqini chekleshke qaritilghan, dep muhakime qilishmaqta.
9 - Ayning 4 - küni bashlinidighan herbiy manéwir 6 kün dawamlishidighan bolup, amérika manéwirgha 2 dane awi'amatka we 11 dane urush paraxoti, yaponiye 2 dane urush paraxoti, awstraliye bir qoghlighuchi paraxot bilen bir may qachilash paraxoti qatnashturmaqchi. Bén'gal qoltuqi xitaylar bu rayondiki bérma we bén'gallar bilen hemkarliqni kücheytip, bir déngiz armiye bazisigha ige bolushni oylawatqan istiratégiyilik ehmiyiti zor rayondur.
Manéwirgha qatnishidighan döletler herbiy emeldarliri peyshenbe küni hindistan paytexti yéngi déhligha yighilip, manéwirning küntertipi üstide muzakire élip bardi. Shu küni yaponiye bash ministiri hindistan ziyaritini axirlashturghan bolup, u yéngi déhlida hindistan, yaponiye, awstraliye we amérikilar hemkarliqni kücheytishi kérek, dep qaraydighanliqini tekitlidi, lékin xitayning ismini tilgha almidi. ( Erkin)
Munasiwetlik maqalilar
- Xitay dölet re'isi qazaqistan ziyaritini bashlidi
- Kanada amérikining güentanamodiki Uyghurlargha siyasi panahliq bérish telipini ret qilghan
- Xongkong sodigerliri amérika bilen xitay otturisidiki soda jéngining "qurbani bolush"tin ensireydu
- Amérika dunya soda teshkilati xitaydin neshir hoquqini qoghdashta jiddi tedbir élishni telep qildi
- Shangxey hemkarliq teshkilatning herbiy manéwiri heqqidiki inkaslar
- Amérika b d t din, teywen xitayning bir qisimi dégen bayanatini tüzütishini telep qilmaqta
- Shangxey hemkarliq teshkilati herbiy manéwirining ikkinchi bölümi bashlandi
- Shangxey hemkarliq teshkilatining térrorluqqa qarshi herbiy manéwiri resmiy bashlandi
- Shangxey hemkarliq teshkilati qurulghandin buyanqi üchinchi qétimliq birleshme herbiy manéwirini ötküzidu