Хитай билән русийә һәмкарлиқидики бирләшмә һәрбий маневир бу йилниң ахирлирида елип берилиду


2005-03-18
Share

Хитай дөләт мудапиә министири сав гаңчүән, русийә билән хитайниң пиланлишидики бу йилниң ахирлирида елип берилидиған бирләшмә һәрбий маневир, икки дөләт мунасвитидики муһим вәқә, дәп көрсәтти.

Шинхуа ахбарат агентлиқиниң хәвәр қилишичә, сав гаңчүән җүмә күни бейҗиңда русийә армийисиниң штаб башлиқи юри балуйевский билән өткүзгән сөһбитидин кейин мухбирларни күтүвелип, " бу маневирниң һазир шундақла кәлгүси үчүн тәсири чоң болуп қалиду," дәп сөзлиди. Балуйевский, русийә билән хитай оттурисидики тунҗи һәрбий маниверниң " икки дөләт армийисиниң тәлим - тәрбийә қабилийити шундақла өз ара һәмкарлиқини илгири сүридиған йеңи йол" болуп қалидиғанлиқини тәкитлигән.

Балуйевский җүмә күни хитай деңиз армийисиниң сәнядики һәрбий базисини көздин кәчүрүшкә йүрүп кәтти. У йолға чиқишниң сәл алдида хитай баш министири вен җябав билән учрашқан.

Франсийә ахбарат агентлиқиниң русийә дөләт мудапиә министирлиқидики затларниң сөзини нәқил кәлтүрүшичә, хитай билән русийә оттурисидики " терорчилиққа қарши турушни мәқсәт қилған" бирләшмә һәрбий маневир, сәндоң йерим арилида өткүзүлидикән. Әсли икки тәрәп маниверни бу йил язда өткүзүшни пиланлиған иди. Бирақ кейинрәк һәр иккила дөләт елан қилиштин өзини қачурған сәвәпләр билән кечиктүрүлди.

Русийә билән хитай аталмиш уйғур терорчилар билән чечән бандитлириға қарши өз ара бир бириниң һәрикитини қоллайдиғанлиқи тоғрисида вәдә беришкән иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт