Xitay bilen rusiye hemkarliqidiki birleshme herbiy manéwir bu yilning axirlirida élip bérilidu

Xitay dölet mudapi'e ministiri saw gangchüen, rusiye bilen xitayning pilanlishidiki bu yilning axirlirida élip bérilidighan birleshme herbiy manéwir, ikki dölet munaswitidiki muhim weqe, dep körsetti.

Shinxu'a axbarat agéntliqining xewer qilishiche, saw gangchüen jüme küni béyjingda rusiye armiyisining shtab bashliqi yuri baluyéwskiy bilen ötküzgen söhbitidin kéyin muxbirlarni kütüwélip, " bu manéwirning hazir shundaqla kelgüsi üchün tesiri chong bolup qalidu," dep sözlidi. Baluyéwskiy, rusiye bilen xitay otturisidiki tunji herbiy maniwérning " ikki dölet armiyisining telim - terbiye qabiliyiti shundaqla öz ara hemkarliqini ilgiri süridighan yéngi yol" bolup qalidighanliqini tekitligen.

Baluyéwskiy jüme küni xitay déngiz armiyisining senyadiki herbiy bazisini közdin kechürüshke yürüp ketti. U yolgha chiqishning sel aldida xitay bash ministiri wén jyabaw bilen uchrashqan.

Fransiye axbarat agéntliqining rusiye dölet mudapi'e ministirliqidiki zatlarning sözini neqil keltürüshiche, xitay bilen rusiye otturisidiki " térorchiliqqa qarshi turushni meqset qilghan" birleshme herbiy manéwir, sendong yérim arilida ötküzülidiken. Esli ikki terep maniwérni bu yil yazda ötküzüshni pilanlighan idi. Biraq kéyinrek her ikkila dölet élan qilishtin özini qachurghan sewepler bilen kéchiktürüldi.

Rusiye bilen xitay atalmish Uyghur térorchilar bilen chéchen banditlirigha qarshi öz ara bir birining herikitini qollaydighanliqi toghrisida wede bérishken idi. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar