Хитай вә русийә һәрбий маневир өткүзүш үчүн тәйярлиқ қилмақта


2005-08-14
Share

Русийә вә хитай деңиз армийә қисимлири бүгүн бирликтә өткүзидиған һәрбй маневир үчүн керәклик һәрбий қорал- җапдуқларни маневир өткүзүлидиған районға йөткәшкә башлиди.

18 - Авғуст күни башлимақчи болған һәрбий маневирға қатнишидиған русийә уруш парахотлири вә һәрбий қисимлири өткән һәптә хитайниң шәрқий районидики чиңдав деңиз портиға йитип кәлгән иди. Бу хитай вә русийә һәрбий қисимлири бирликтә елип барған тунҗи һәрбий маневир һесаблиниду.

Хитай мудапиә министирлиқиниң билдүрүшичә, хитай вә русийә һәрбий қисимлири тәрипидин бирликтә елип берилидиған һәрбий маневир икки дөләт қораллиқ қисимлириниң хәлқара терроризм, диний әсәбийлик вә бөлгүнчиликкә бирликтә қарши туруш қабилийитини күчләндүрүшни мәқсәт қилидиған.

Сиясий анализчилар, бу һәрбий маневир, русийә вә хитайниң америкиниң күнсери күчийишидин қаттиқ әнсирәватқанлиқини һәмдә оттура асияда радикал исламий һәрикәтләрниң кеңишидин әндишә қиливатқанлиқини көрситиду, дейишмәктә. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт