Хитай вә русийә һәрбий маневир өткүзүш үчүн тәйярлиқ қилмақта

Русийә вә хитай деңиз армийә қисимлири бүгүн бирликтә өткүзидиған һәрбй маневир үчүн керәклик һәрбий қорал- җапдуқларни маневир өткүзүлидиған районға йөткәшкә башлиди.

18 - Авғуст күни башлимақчи болған һәрбий маневирға қатнишидиған русийә уруш парахотлири вә һәрбий қисимлири өткән һәптә хитайниң шәрқий районидики чиңдав деңиз портиға йитип кәлгән иди. Бу хитай вә русийә һәрбий қисимлири бирликтә елип барған тунҗи һәрбий маневир һесаблиниду.

Хитай мудапиә министирлиқиниң билдүрүшичә, хитай вә русийә һәрбий қисимлири тәрипидин бирликтә елип берилидиған һәрбий маневир икки дөләт қораллиқ қисимлириниң хәлқара терроризм, диний әсәбийлик вә бөлгүнчиликкә бирликтә қарши туруш қабилийитини күчләндүрүшни мәқсәт қилидиған.

Сиясий анализчилар, бу һәрбий маневир, русийә вә хитайниң америкиниң күнсери күчийишидин қаттиқ әнсирәватқанлиқини һәмдә оттура асияда радикал исламий һәрикәтләрниң кеңишидин әндишә қиливатқанлиқини көрситиду, дейишмәктә. (Қанат)