Xitay we rusiye herbiy manéwir ötküzüsh üchün teyyarliq qilmaqta

Rusiye we xitay déngiz armiye qisimliri bügün birlikte ötküzidighan herby manéwir üchün kéreklik herbiy qoral- japduqlarni manéwir ötküzülidighan rayon'gha yötkeshke bashlidi.

18 - Awghust küni bashlimaqchi bolghan herbiy manéwirgha qatnishidighan rusiye urush paraxotliri we herbiy qisimliri ötken hepte xitayning sherqiy rayonidiki chingdaw déngiz portigha yitip kelgen idi. Bu xitay we rusiye herbiy qisimliri birlikte élip barghan tunji herbiy manéwir hésablinidu.

Xitay mudapi'e ministirliqining bildürüshiche, xitay we rusiye herbiy qisimliri teripidin birlikte élip bérilidighan herbiy manéwir ikki dölet qoralliq qisimlirining xelq'ara térrorizm, diniy esebiylik we bölgünchilikke birlikte qarshi turush qabiliyitini küchlendürüshni meqset qilidighan.

Siyasiy analizchilar, bu herbiy manéwir, rusiye we xitayning amérikining künséri küchiyishidin qattiq ensirewatqanliqini hemde ottura asiyada radikal islamiy heriketlerning kéngishidin endishe qiliwatqanliqini körsitidu, déyishmekte. (Qanat)