Rusiye we xitay herbiy manéwiri dawamlishiwatidu

Xitay we rusiye herbiy qisimliri birlikte élip bériwatqan herbiy manéwir dawamlishiwatidu.

Xitay qoralliq qisimliri bash shtabining mu'awin re isi général gé jénfénning chingdaw shehiride muxbirlargha bergen bayanatida, düshenbe küni chüshtin kéyin herbiy manéwirning ikkinchi basquchining ayaqlashqanliqini bildürdi. Uning éytishiche, manéwirning üchünchi basquchi seyshenbe küni bashlinidiken. Xitay we rusiye herbiy qisimliri birlikte élip bériwatqan bu tunji manéwir ötken seyshenbe küni bashlan'ghan idi.

Xitay we rusiye herbiy qisimliri teripidin élip bériliwatqan bu manéwirgha 7000 etrapida xitay eskiri, 1800 neper rusiye herbiy qisimi jengchisi qatnashqan.

Amérika birleshme agéntliqining bildürüshiche, bu manéwir xitay we rusiye munasiwetlirining tereqqiyatining bir netijisi hésablinidu. Shundaqla bu manéwir xitay we rusiyining, amérikining dunyada künséri küchiyiwatqan siyasiy we herbiy tesiridin endishe qiliwatqanliqini körsitidiken. (Qanat)