5 Dölet jenubiy xitay déngizida herbiy manéwir ötküzdi


2005-09-15
Share

Yéqinda malayshiya, awstraliye, yéngi zillandiye, sin'gapor we en'gliye qatarliq 5 döletning qoralliq qismi jenubiy xitay déngizida birleshme herbiy manéwir ötküzdi.

En'gliye b b s radi'o téléwiziye shirkitining xewirige qarighanda, bu 5 dölet birleshme herbiy manéwirning nishani, su üsti bixeterlikini kücheytish we térrorchiliqqa zerbe bérish bolup, asasliqi bu rayondiki su üsti qatnash yoli uchrawatqan yoshurun tehditke taqabil turush iken.

Bu 5 dölet yene tunji qétim, térrorchiliqqa qarshi manéwirni yilliq herbiy meshiq mezmunigha kirgüzgen. Jenubiy xitayning déngiz boyliridiki sin'gapor déngiz boghuzi dunyadiki eng aldirash su yollirining biri bolup, dunya soda pa'aliyitining 1/4 bu jaydin ötidu. Emma bu rayon da'im déngiz qaraqchiliri we térrorchilarning tehditige uchrap turidu. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet