Америка тинч-окян районида чоң көләмдә һәрбий маневир өткүзмәкчи


2006-02-15
Share

Америка бу йил язда тинч-окян районида чоң көләмдә деңиз армийә һәрбий маневири өткүзмәкчи. Мутәхәссисләр бу маневирниң америка вейтнамдин қошун чекиндүргән 30 йилдин буянқи әң чоң бир қетимлиқ маневир һесаблинидиғанлиқини билдүрмәктә.

Америка деңиз армийә тинч окян флотиниң қоманданиниң билдүрүшичә, бу маневирға америкиниң 4 данә авиаматкиси қатнаштурулидикән, бу америка авиаматкилириниң 10 йилдин буян тинч окян районида әң көп көрүлүши һесаблинидикән. Бу маневирға америкидин башқа йәнә, японийә, җәнубий корийә вә австралийә қатарлиқ дөләтләрниң һәрбий қошунлириму қатнаштурулидикән.

Техи йеқиндила америка дөләт мудапиә министирлиқи кәлгүсидики 20 йиллиқ пилан мөлчәрләнгән дөләт мудапиә доклатини елан қилип, хитайни америкиниң һәрбий ишлиридики әң чоң риқабәтчиси дәп көрсәткән һәмдә америкиниң тинч окян районидики һәрбий мәвҗутлуқини күчәйтиш керәклики тәкитләнгән иди.

Америка деңиз армийә тинч окян флотиниң қомандани гәрий рофид, америкиниң ядро қораллирини елип йүридиған җорҗ вашингтон намлиқ авиаматкисиниң 2008‏- йили японийиниң йокосука дегән җайиға орунлаштурулидиғанлиқини шундақла буниң, америкиниң тинч окян районидики һәрбий мәвҗутлиқини техиму күчәйтидиғанлиқини билдүрди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт