Amérika tinch-okyan rayonida chong kölemde herbiy manéwir ötküzmekchi


2006-02-15
Share

Amérika bu yil yazda tinch-okyan rayonida chong kölemde déngiz armiye herbiy manéwiri ötküzmekchi. Mutexessisler bu manéwirning amérika wéytnamdin qoshun chékindürgen 30 yildin buyanqi eng chong bir qétimliq manéwir hésablinidighanliqini bildürmekte.

Amérika déngiz armiye tinch okyan flotining qomandanining bildürüshiche, bu manéwirgha amérikining 4 dane awi'amatkisi qatnashturulidiken, bu amérika awi'amatkilirining 10 yildin buyan tinch okyan rayonida eng köp körülüshi hésablinidiken. Bu manéwirgha amérikidin bashqa yene, yaponiye, jenubiy koriye we awstraliye qatarliq döletlerning herbiy qoshunlirimu qatnashturulidiken.

Téxi yéqindila amérika dölet mudapi'e ministirliqi kelgüsidiki 20 yilliq pilan mölcherlen'gen dölet mudapi'e doklatini élan qilip, xitayni amérikining herbiy ishliridiki eng chong riqabetchisi dep körsetken hemde amérikining tinch okyan rayonidiki herbiy mewjutluqini kücheytish kérekliki tekitlen'gen idi.

Amérika déngiz armiye tinch okyan flotining qomandani geriy rofid, amérikining yadro qorallirini élip yüridighan jorj washin'gton namliq awi'amatkisining 2008‏- yili yaponiyining yokosuka dégen jayigha orunlashturulidighanliqini shundaqla buning, amérikining tinch okyan rayonidiki herbiy mewjutliqini téximu kücheytidighanliqini bildürdi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet