Xitay amérika herbiy maniwérigha tunji qétim közetküchi ewetip qatnashturdi

Junggo sherqiy fillipindiki gu'am arilida düshenbe küni bashlan'ghan amérika déngiz armiyisi herbiy maniwérigha tunji qétim 10 kishilik bir herbi'iy közetküchiler ewetip qatnashturdi. Shinxu'a axbarat agéntliqining xewer qilishiche, maniwérgha közetküchi bolup qatnashqan xitay herbiy wekiller ömiki déngiz, hawa armiye qisimlirining yuqiri derijilik emeldarlirini asas qilip qurulghan.

Maniwér ötküzüwatqan bu qisimlar teywen boghuzida toqunush yüz bérishke qarshi heywe qilish rolini oynawatqan muhim qisimlar idi. Xitay teywenni junggo ziminining ayrilmas bir qisimi, dep qarimaqta we teywen musteqilliq jakarlisa ,herbiy hujum qozghaydighanliqini agahlandursimu, lékin amérika teywen boghuzining mewjut halitini özgertishke qarshi turudighanliqini eskertip keldi.

5 Kün dawamlishidighan maniwérgha 3 awi'amatkini öz ichige alghan 22 ming esker, 280 ayrupilan we 30 dane paraxot ishtirak qilghan. Xitay herbiy közetköchiler ömiki yekshenbe amérikining ronald régan namliq awi'amatkisini ziyaret qildi. Maniwérgha qatnishish teklipi 5 - ayda amérika tinch okyan qisimlirining qomandani wilyam fallun teripidin xitay herbiy da'irilirige yetküzülgen idi.

Xitay dölet mudapi'e ministirliqi xitay herbiy wekiller ömikining maniwérgha közetküchi süpitide qatnashqanliqini " junggo - amérika herbiy alaqisining muhim terkipi qisimi" dédi. Bu qétimqi maniwérgha "jesur qalqan" dep nam bérilgen. (Erkin)