خىتاي پاكىستاندىن ئۇيغۇر پائالىيەتچىلىرىنى خىتايغا قايتۇرۇپ بېرىشىنى رەسمى تەلەپ قىلدى


2007-06-09
Share

پاكىستاندا چىقىدىغان " دېھلى تايمىز" گېزىتىنىڭ خەۋەر قىلىشىچە، خىتاي ھۆكۈمىتى، پاكىستان ئىچكى ئىشلار مىنسىتىرى ئافتاپ ئەخمەتخان شېرپاۋ نىڭ خىتاي زىيارىتى جەريانىدا پاكىستاندىكى 20 ئۇيغۇر پائالىيەتچىنى تۇتۇپ خىتايغا تاپشۇرۇش مەسىلىسىنى رەسمى ئوتتۇرىغا قويىدىكەن. پاكىستان ئىچكى ئىشلار مىنسىتىرى شېرپاۋ، بېيجىڭدا ئۆتكۈزۈلىدىغان خىتاي- پاكىستان تېررورچىلىققا قارشى بىرلەشمە خىزمەت گۇرۇپپىسىنىڭ يېغىنغا قاتنىشىش ئۈچۈن 25 ئىيۇن كۈنى خىتايغا بارماقچى.

خىتاي ھۆكۈمىتى يېقىندا پاكسىتان ھۆكۈمىتىدىن پاكسىتاننىڭ قەبىلىلەر رايونىدا يوشۇرۇنغان 20 ئەتراپىدا ئۇيغۇر پائالىيەتچىنى خىتايغا تاپشۇرۇپ بېرىشنى تەلەپ قىلغان ئىدى.

دېھلى تايىمىز گېزىتىنىڭ خەۋىرىدە ئېيتىلىشىچە، بۇ مەسىلە پاكسىتان ئىچكى ئىشلار مىنىستىرىنىڭ خىتاي زىيارىتى جەريانىدا خىتاي رەھبەرلىرى بىلەن ئېلىپ بارىدىغان سۆھبىتىنىڭ ئەڭ مۇھىم تېمىسىنى تەشكىللەيدىكەن. خىتاي ھۆكۈمىتى، پاكىستان دائىرىلىرىدىن بولۇپمۇ، پاكىستان ئىچكى ئىشلار مىنسىتىرى خىتايغا قاراتقان زىيارىتىنى باشلاشتىن بۇرۇن پاكىستاندىكى ئۇيغۇر پائالىيەتچىلەر ھەققىدە تەپسىلى مەلۇمات ئىگىلەپ خىتايغا تاپشۇرۇشىنى تەلەپ قىلغان.

خىتاي ھۆكۈمىتى شەرقىي تۈركىستان ئىسلامىي ھەرىكىتىگە مەنسۇپ ئۇيغۇر پائالىيەتچىلىرىنىڭ ھېلىمۇ پاكىستاننىڭ قەبىلىلەر رايونىدا پائالىيەتلىرىنى داۋاملاشتۇرۇۋاتقانلىقىنى ئىلگىرى سۈرمەكتە.(ئۆمەر قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت