Xitay pakistandin Uyghur pa'aliyetchilirini xitaygha qayturup bérishini resmi telep qildi


2007-06-09
Share

Pakistanda chiqidighan " déhli taymiz" gézitining xewer qilishiche, xitay hökümiti, pakistan ichki ishlar minsitiri aftap exmetxan shérpaw ning xitay ziyariti jeryanida pakistandiki 20 Uyghur pa'aliyetchini tutup xitaygha tapshurush mesilisini resmi otturigha qoyidiken. Pakistan ichki ishlar minsitiri shérpaw, béyjingda ötküzülidighan xitay- pakistan térrorchiliqqa qarshi birleshme xizmet guruppisining yéghin'gha qatnishish üchün 25 iyun küni xitaygha barmaqchi.

Xitay hökümiti yéqinda paksitan hökümitidin paksitanning qebililer rayonida yoshurun'ghan 20 etrapida Uyghur pa'aliyetchini xitaygha tapshurup bérishni telep qilghan idi.

Déhli tayimiz gézitining xewiride éytilishiche, bu mesile paksitan ichki ishlar ministirining xitay ziyariti jeryanida xitay rehberliri bilen élip baridighan söhbitining eng muhim témisini teshkilleydiken. Xitay hökümiti, pakistan da'iriliridin bolupmu, pakistan ichki ishlar minsitiri xitaygha qaratqan ziyaritini bashlashtin burun pakistandiki Uyghur pa'aliyetchiler heqqide tepsili melumat igilep xitaygha tapshurushini telep qilghan.

Xitay hökümiti sherqiy türkistan islamiy herikitige mensup Uyghur pa'aliyetchilirining hélimu pakistanning qebililer rayonida pa'aliyetlirini dawamlashturuwatqanliqini ilgiri sürmekte.(Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet