Xitay kanada Uyghurlirini nazaret qilmaqta


2007-05-08
Share

Kanadada neshr qilinidighan makle'ans jurnilida 4- may xitay jasusluq organlirining kanadada yashap pa'aliyet élip bériwatqan Uyghur jama'etchilikige herxil usullarda tehdit sélip kéliwatqanliqigha a'it bir parche maqale élan qilindi.

Mezkur maqalide qeyt qilinishche, xitay mexpiy saqchiliri tün nispide téléfun qilip kanada Uyghur birleshmisining re'isi memet toxtigha tehdit salghan.

Melum bolushiche, memet toxtigha téléfun qilghan xadimlar, téléfonni élipla uni tillap ketken we özlirining xitay muhajirlar komitétidin kelgenlikini bildürüp, memet toxtigha Uyghurlar kanada jama'etchilikining diqqitini qolgha keltürüsh üchün élip bériwatqan siyasiy pa'aliyetlirini toxtitish, téximu muhimi gérmaniyide échilidighan dunya Uyghur qurultiyining muhakime yighinigha qatnashmasliq heqqide bésim ishlitip, " anang we ining bizning qolimizda. Néme qilsaq qilalaymiz" dégen. Peqet mushu ish üchün 260 kilométir yol yürüp kelgenlikini eskertip qoyghan.

Bu yil 43 yashqa kirgen memet toxti, 1980- yillarda xitaydin qéchip chiqqan bolup, anisi bilen didarlashmighan'gha 16 yil bolghan iken. Hazir kanada 450 din artuq Uyghur yashaydu. Xitay ulargha bolghan nazaretni herxil yollar bilen ishqa ashurmaqta.

Maqalide éytilishiche, hazir kanadada siyasiy panahliq tiligen, ilgiri xitay elchixanisida ishligen bir xitay diplomatning ayali jyang jangning éytishiche, xitayning kanadada turushluq elchixanisi Uyghur, tibet we bashqa xitaygha qarshi guruppilarni közitip turush we matériyal toplash üchün mexsus bir organ tesis qilghan.

Jyang jang "men xitay elchixanisining iplas ishlar bilen meshghul bolghan epti beshirisini achimen. Ularning yalghanchiliqlirini chitqa yayimen " dégen. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet