Xitay bilen rusiye pat arida birleshme herbiy manéwir ötküzidu

Xitay bilen rusiye bu yil 8 - ayning 18 - künidin 26 - künigiche birleshme herbiy manéwir ötküzüshni qarar qilghan.

Fransiye agéntliqi charshenbe küni, xitay hökümet metbu'atining xewirini neqil keltürüp, xitay quruqluq, déngiz , hawa armiyisi bilen rusiye hawa armiyisi we déngiz armiyisidin terkip tapqan 8000 kishilik herbiy qisim " 2005 - yildiki tinchliq buyruqi" namida birleshme herbiy manéwir ötküzidighanliqini bildürdi.

Xewerde körsitilishiche, birleshme herbiy manéwir ötküzidighan yer xitayning xu'angxey déngizi etrapi bolup , rusiye hawa armiyisi SU 27 tiptiki urushchi ayropilanini mezkur manéwirgha qatnashturidiken. Xitay terep, yadroluq su asti paraxodi we su asti paraxodigha taqabil turalaydighan qorallarni ishlitidiken. (Eqide)