Hindistan putbol cholpini béyjing olimpik mesh'ilini toshushni ret qildi
2008.04.01
Amérika birleshme agéntliqining xewer qilishiche, olimpik mesh'ili hindistan'gha yétip kelgende, uni hindistanning putbol cholpini baychung butiyaning toshuydighanliqi pilanlan'ghan iken.
Emma, baychung butiya seyshenbe küni hindistanning paytexti yingi déhlide muxbirlargha bergen bayanatida, xitay hökümitining tibettiki basturushini qattiq eyibleydighanliqini we béyjing olimpik mesh'ilini qoligha almaydighanliqini bayan qilghan.
Bayjung butiya, xitay hökümitining tibettiki basturushigha naraziliq bildürüsh üchün, béyjing olimpik mesh'ilini toshushni ret qilghan dunyadiki tunji ataghliq tenheriketchi hésablinidiken.
Bu arida, chet'ellerdiki tibetler, xitay hökümitining tibettiki basturushigha qarshi naraziliq heriketlirini dawamlashturuwatqan bir peytte, xitay hökümiti, tibet musteqilchilirining " özini öltürüwélish xaraktérlik hujumlar élip bérish " ni pilanlawatqanliqini bildürdi. Xitay jama'et xewpsizlik minstirliqining bayanatchisi, wu xéping, seyshenbe küni béyjingda ötküzülgen muxbirlarni kütüwélish yighinida, biz igiligen uchurlargha qarighanda, tibet musteqilchi küchlirining bundin kéyinki pilani, qanliq hujumlar élip bérish üchün, özini öltürüwélish xaraktérlik hujumlarni yolgha qoyushtin ibaret dégen.
Lékin, tibet teshkilatliri, tibetlerning körishini tinchliq bilen élip baridighanliqini tekitlep, xitay hökümitining bu bayanatini pütünley ret qildi. (Ömer qanat)
Munasiwetlik maqalilar
- Olimpik mesh'ilini qarshi élish pa'aliyiti éghir bixeterlik tedbirliri astida élip bérildi
- Bezi yawropa döletliri béyjing olimpikining échilish murasimini bayqut qilidighanliqini jakarlidi
- Amérika xitayning tibettiki tekshürüsh ömikige qatnishish teklipini tapshuruwaldi
- Xitay, olimpik yighinining mesh'el yéqish murasimidiki parakendichilikni eyiblidi
- Olimpik mesh'ilige ot yéqish murasimi kishilik hoquq organlirining qarshiliqigha duch keldi
- Tibette yüz bergen toqunushqa türkiye metbu'atlirida keng kölemde yer bérildi
- Xelq'ara jama'et xitay hökümitining tibetlik namayishchilarni basturghanliqini eyiblimekte
- Xitay dölet bayriqi chet'elde ikkinchi qétim yiqitildi
- Xitay tibet pa'aliyetchilirige we dalay lamaning qollighuchilirigha tehdit saldi
- Tibette yüz bergen toqunushta 200 din artuq adem qolgha élindi
- Ikki neper tibetlik xitay hökümitige bolghan naraziliqini özini öltürüwélish yoli bilen ipadilidi