Роберт золейк, хитайни дуняви мәсилиләрдә "мәсулийәтчан" рол ойнашқа чақирди

юқири дәриҗилик америка әмәлдарлири хитайниң хәлқарадики орни униң дуняви мәсилиләрдики талаш - тартишлар вә икки күч оттурисидики риқабәтләрдә "мәсулийәтчан" рол ойнаш яки ойнимаслиқиға бағлиқ икәнликини билдүрди.

Америка ташқий ишлар министири кондилиза райисниң тәкитлишичә, хитай мәсилиси бейҗиңни америка вә башқа күчләрниң хәлқара сәһнидики бир шерики, дәп етирап қилиш яки иқтисади мәнпәәтнила көзләйдиған бир дөләт, дәп чүшиниши билән мунасивәтлик икән. У, пәйшәнбә күни давус иқтисад мунбириниң йиғинида сөзлигән телевизор нутуқида " хитайниң баш көтүрүши биз диққәт қилидиған бирдин - бир мәсилә әмәс. Бу мәсилидә барлиқ күчләрниң бир мәсулийити бар. Болупму америка хитайниң мәсулийәтчан шерик икәнлики яки әмәсликини етирап қилишта униң хәлқара сестимидики мәсулийитини ада қилиш - қилмаслиқи, тинчлиқ вә бихәтәрликни илгири сүрүш- сүрмәсликигә қарайду ' дәп тәкитлиди.

Франсийә ахбарат агентлиқиниң тәкитлишичә, америка хитайдин нефиткә болған иштиһасини тизгинләп, иран мәсилисидә б д т хәвпсизлик кеңишини һәрикәтләндүрүшкә тосқунлуқ қилмаслиқни тәләп қилмақта. Хитайдики зияритини әмдила ахирлаштурған америка муавин ташқий ишлар министири роберт золейк, бейҗиңда хитай әмәлдарлири билән бир қатар муһим учришишларни елип барғандин кейин, хитайниң " иран мәсилисидә америка билән охшаш йолда маңмайдиғанлиқини" билдүргән. Бейҗиң иран ядро мәсилисидә русийиниң пиланиға қизиқидиғанлиқини билдүрмәктә. Әмма райис давус йиғинида сөзлигән нутуқида, хитайни шималий корийә 6 дөләт сөһбитидә муһим рол ойниди, дәп махтиған. (Әркин)