Iran we se'udi erebistan rehberliri mezhepler urushini eyiblidi

Iran we se'udi erebistan rehberliri shi'eler bilen sünniyler arisidiki mezhepler urushini eyiblep, toxtawsiz dawamlishiwatqan bu toqunushlarning musulman dunyasigha zor xeter élip kélidighanliqini körsitishken.

Amérika awazi radi'osining uchuridin melum bolushiche, shenbe küni se'udi erebistan padishahi abdulla riyad shehiride iran prézidénti maxmud exmedi nijat bilen körüshkende sünniyler bilen shiyeler arisidiki toqunush mesililirini muzakire qilip, bu toqunushlargha xatime bérishni tekitligen.

Ottura sherq rayonida sünniyler bilen shi'eler arisidiki ziddiyet uzun esirlerdin buyan dawamliship kelgen bolsimu, lékin iraq urushidin kéyin birdinla yuqiri pellige yétip, ikki tereptin nurghun ademning ölüshi kélip chiqqan idi. Sünniy mezhipige mensup se'udi erebistan bilen shi'e mezhipige mensup iran rehberlirining körüshüp, bu toqunushni birlikte toxtitishqa chaqiriq qilishi musulmanlarning qarshi élishigha érishken.

Ikki dölet rehbiri yene liwan hökümiti bilen hizbullaning hemkarliqi mesilisinimu muzakire qilghan.

Ottura sherq mesilisini muhakime qilish üchün kéler heptide amérika, en'gliye qatarliq dölet wekilliri baghdadta jem bolidu, ereb döletliri rehberliri bolsa 3-ayning axirida se'udi erebistanning riyad shehiride yighin achmaqchi.(Ümidwar)