Хитайдики милләтчилик учқунлири америкида әндишә яратмақта


2005.04.18
Share on WhatsApp
Share on WhatsApp

Роитирис агентлиқиниң хәвәр қилишичә, хитай һөкүмитиниң рухсити билән хитайда японийгә қарши елип берилған намайишлар, америкидики бәзи сиясәтчиләр вә мутәхәссисләрни әндишиләндүрмәктә.

Уларниң ейтишичә, хитай бир күни америкиға қаршиму мушундақ намайишларни тәшкиллиши мумкин икән.

Өткән җүмә күни америка дөләт мәҗлиси америка- хитай иқтисад вә бихәтәрлик ишлири комитетида өткүзүлгән йиғинға қатнашқан мутәхәссисләр, хитай һөкүмити хитайдики мәтбуат вә интернеттин, коммунист партийиси өзигә дүшмән көргәнләргә қарши хәлқиниң тар милләтчилик һессиятини қозғашта қорал сүпитидә пайдиланмақта, деди.

Бу қетимқи йиғинға қатнашқан вискансон университетиниң профессори идвард фридман, хитайниң асия қитәсидики әң асаслиқ рәқиби һесабланған японийиниң хитай һөкүмити тәрипидин мәқсәтлик һалда нишан қелинғанлиқини, әмди нөвәтниң америка, тәйвән вә демократийигә келидиғанлиқини тәкитлигән.

Бу арида америка һөкүмити японийә- хитай мунасивәтлиридики йириклишиштин әндишә қиливатқанлиқини билдүрди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт