Xitaydiki milletchilik uchqunliri amérikida endishe yaratmaqta

Ro'itiris agéntliqining xewer qilishiche, xitay hökümitining ruxsiti bilen xitayda yaponiyge qarshi élip bérilghan namayishlar, amérikidiki bezi siyasetchiler we mutexessislerni endishilendürmekte.

Ularning éytishiche, xitay bir küni amérikigha qarshimu mushundaq namayishlarni teshkillishi mumkin iken.

Ötken jüme küni amérika dölet mejlisi amérika- xitay iqtisad we bixeterlik ishliri komitétida ötküzülgen yighin'gha qatnashqan mutexessisler, xitay hökümiti xitaydiki metbu'at we intérnéttin, kommunist partiyisi özige düshmen körgenlerge qarshi xelqining tar milletchilik héssiyatini qozghashta qoral süpitide paydilanmaqta, dédi.

Bu qétimqi yighin'gha qatnashqan wiskanson uniwérsitétining proféssori idward fridman, xitayning asiya qit'esidiki eng asasliq reqibi hésablan'ghan yaponiyining xitay hökümiti teripidin meqsetlik halda nishan qélin'ghanliqini, emdi nöwetning amérika, teywen we démokratiyige kélidighanliqini tekitligen.

Bu arida amérika hökümiti yaponiye- xitay munasiwetliridiki yiriklishishtin endishe qiliwatqanliqini bildürdi. (Qanat)