Русийидә чәтәлликләргә зәрбә бериш һәрикәтлири әвҗ алмақта

Русийидә йеқинқи бир қанчә йилдин буян рус яшлириниң топлишип, чәтәлликләргә җүмлидин чәтәллик оқуғучиларға зәрбә беришни өз ичигә алған ирқчилиқниң әвҗи еливатқанлиқи хәвәр қилинмақта.

Америка авази радиоси мухбириниң москвадин хәвәр қилишичә, йеқинқи бир қанчә айдин буян русларниң рус әмәс милләтләр болупму қара чачлиқ милләтләргә болған ирқий кәмситиш характеридики һуҗумлири юқири көтүрүлүшкә башлиған болуп, русийиниң воронҗә шәһиридә йеқинда рус яшлириниң чәтәллик оқуғучиларға һуҗум қилиш вәқәси йүз берип, чәтәллик оқуғучиларниң өлүши вә яридар болушини кәлтүрүп чиқарған. Бу районда , чәтәлликләргә һуҗум қилиш вәқәси 2004-йилидикидин 40% ашқан.

Русийә мәтбуатлириниң йезишичә, москва, санкитпетербург қатарлиқ чоң шәһәрләрдиму бу әһвал еғир болуп, 15-20 яшларғичә болған "айпаңбашлар" дәп аталған рус яшлириниң гуруппилири, русийә туприқидики қара чачлиқ милләтләр вә оттура асиялиқлар, оттура шәрқләр , қара тәнликләр һәм хитайларға чеқилип, уларни уруш вә булаш һәтта өлтүрүш вәқәлирини көпләп садир қилмақта. Әмма бу ишларға нисбәтән һөкүмәт тәрәп һечқандақ қаттиқ чарә көрмигән. (Үмидвар)