Мисирда партлаш йүз бәрди


2005-07-24
Share

23-Июл күни мисирниң шарим әш шейих шәһридә арқиму-арқа партлаш йүз берип, 88 адәмниң өлүши, 200 дин артуқ адәмниң ярилинишидәк паҗиә келип чиқти.

Б б ч агентлиқиниң учириға қариғанда қизил деңиз бойидики саяһәт нуқтиси һесабланған бу җайда илгири-кейин үч қетим партлаш йүз бәргән болуп, бир һәшәмәтлик меһманхана вәйран қилинған.

Қазаға учриғанларниң көпинчиси мисирлиқлар болуп, мәзкур вәқәдә йәнә йәттә нәпәр чәт әллик саяһәтчиму һаятидин айрилған вә мәлум сандикилири яриланған.

Хәвәрләргә қариғанда вәқә йүз бәргән нәқ мәйәданни көздин кәчүргән мисир президенти мубарәк бу партлашлар һәққидә тохтилип "мәзкур һуҗумлар мисирниң терроризмни қәтий йоқитиш ирадисини техиму күчәйтиду" дәп билдүрүш арқилиқ мисир һөкүмитиниң терроризмға қарши күрәшни күчәйтидиғанлиқ мәйданини ипадилиди.

Мисир сақчи даирилири вәқәдин кейин, җиддий тәдбир қоллинип, гуманлиқ дәп қаралған 35 адәмни қолға алди.

Русийә агентлиқлириниң учуриға қариғанда, мисирдики вәқәдин бир күн кейин йәни йәкшәнбә күни русийиниң чечинийә җумһурийитигә қошна дағистан җумһурийитидә бир пойиз партлап, аз дегәндә бир адәм өлгән, бир қанчә адәм яриланған болуп, әслидә бу пойизда анчә көп адәм йоқ икән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт