موڭغۇلىيىدە ئامېرىكا قاتارلىق توققۇز دۆلەت بىرلەشمە ھەربىي مانېۋىرى باشلاندى


2007-08-02
Share

فرانسىيە خەۋەر ئاگېنتلىقىنىڭ 1 - ئاۋغۇست ئۇلانباتۇردىن خەۋەر ئېلان قىلىشىچە، ئامېرىكا بىلەن موڭغۇلىيىنىڭ " خاقاننى ئىزدەش2007 - ناملىق " كۆپ دۆلەت بىرلەشمە مانېۋىرى چارشەنبە كۈنى ئۇلانباتورغا 60 كىلومېتىر كېلىدىغان دائىرىدە رەسمىي باشلانغان .

مەزكۇر كەڭ كۆلەملىك ھەربىي مانېۋىرغا ئامېرىكا ، موڭغۇلىيە، بىنگال، برۇنى، ھىندونېزىيە، كامبودژا، مالايسىيا، كورىيە ۋە سرىلانكا قاتارلىق توققۇز دۆلەتنىڭ 10 مىڭدىن ئارتۇق ئەسكىرى قاتناشقان.

فرانسىيە خەۋەر ئاگېنتلىقىنىڭ بىر نەپەر ئامېرىكا دېپلوماتىنىڭ سۆزىنى نەقىل كەلتۈرۈشىچە، مەزكۇر كۆپ دۆلەت بىرلەشمە مانېۋىرى 16 - ئاۋغۇست رەسمىي ئاخىرلاشتۇرۇلماقچى بولۇپ ، ئاساسەن بىرلەشكەن دۆلەتلەر تەشكىلاتى تىنچلىقنى ساقلاش قىسىملىرىنىڭ ھەرىكەتلىرىگە ماسلىشىشچانلىقنى ئاشۇرۇشنى مەقسەت قىلىدىكەن.

خىتاي ھۆكۈمىتى ، رۇسىيە ھەمدە ھىندىستانلار بىلەن بىرلەشمە ھەربىي مانېۋىرغا تەييارلىق قىلىۋاتقاندا ئۆتكۈزۈلگەن بۇ توققۇز دۆلەت بىرلەشمە مانېۋىرىغىمۇ كۆزەتچى ئەۋەتكەن. خەۋەرگە قارىغاندا روسىيە ھەمدە ياپونىيىمۇ مەزكۇر مانېۋىرغا كۆزەتكۈچى ئەۋەتكەن ئىكەن. (گۈلچېھرە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت