Моңғулийидә америка қатарлиқ тоққуз дөләт бирләшмә һәрбий маневири башланди


2007.08.02
Share on WhatsApp
Share on WhatsApp

Франсийә хәвәр агентлиқиниң 1 - авғуст уланбатурдин хәвәр елан қилишичә, америка билән моңғулийиниң " хақанни издәш2007 - намлиқ " көп дөләт бирләшмә маневири чаршәнбә күни уланбаторға 60 километир келидиған даиридә рәсмий башланған .

Мәзкур кәң көләмлик һәрбий маневирға америка , моңғулийә, бингал, бруни, һиндонезийә, камбоджа, малайсия, корийә вә сриланка қатарлиқ тоққуз дөләтниң 10 миңдин артуқ әскири қатнашқан.

Франсийә хәвәр агентлиқиниң бир нәпәр америка депломатиниң сөзини нәқил кәлтүрүшичә, мәзкур көп дөләт бирләшмә маневири 16 - авғуст рәсмий ахирлаштурулмақчи болуп , асасән бирләшкән дөләтләр тәшкилати тинчлиқни сақлаш қисимлириниң һәрикәтлиригә маслишишчанлиқни ашурушни мәқсәт қилидикән.

Хитай һөкүмити , русийә һәмдә һиндистанлар билән бирләшмә һәрбий маневирға тәйярлиқ қиливатқанда өткүзүлгән бу тоққуз дөләт бирләшмә маневириғиму көзәтчи әвәткән. Хәвәргә қариғанда росийә һәмдә японийиму мәзкур маневирға көзәткүчи әвәткән икән. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.