Mongghuliye öktichiliri yéngi parlamént saylimi ötküzüshni telep qilip namayish qildi

Qirghizistandiki öktichiler namayish arqiliq hökümetni qolgha alghandin kéyin, mongghuliyidiki öktichilermu ötken jüme küni namayish ötküzüp, hökümetning yéngidin parlamént saylimi ötküzüshini telep qildi.

Amérika tashqi ishlar ministirliqining xewirige qarighanda, jüme küni 5 minggha yéqin monggholiye öktichiliri ulanbatordiki parlamént binasi aldida qirghizistandikige oxshash sériq rengdiki sharpilarni taqap namayish qilghan.

Ular namayishta yene lozonka we bayraqlarni kötürüp,"qirghiz buraderlirimizning inqilawiy rohini tebrikleyli. Mongghuliyidiki chiriklikni yoqitayli" dégen'ge oxshash shu'arlarni towlighan.

Namayishchilarning bildürüshiche, ular 4 - ayning 7 - küni yeni mongghuliye parlaménti yighini mezgilide yene bir qétim namayish ötküzüshni pilanlimaqta iken. Monggholiye, sabiq kommunist döliti bolup, u 1990 - yiligha kelgende andin köp partiyilik dimokratiyini qobul qilghan. Emma öktichiler, monggholiye hökümitide chiriklikning éghirliqini we parlamént saylimining adil bolmighanliqini tekitleydu.(Peride)