Mongghuliyide yüzligen kishi namayish ötküzdi


2006.01.16

16‏-Dékabir küni mongghuliyining paytexti olanbaturda yüzligen kishi hawaning soghaqliqigha qarimastin, parlaméntning hakimiyettiki birleshme hökümetni bikar qilish qarigha qarshi namayish ötküzdi.

Roytrés agéntliqining neq meydandin xewer qilishiche, saqchilar parlamént binasi aldida qattiq bixeterlik tedbirliri alghan bolup, namayishchilarni mongghuliye xelq inqilabi partiyisi merkizining binasigha yéqinlashmasliq toghrisida agahlandurghan.

Ötken hepte namayishchilar mongghuliye xelq partiyisi merkizige hujum qilip, dérizilerni sundurup, partiye bayraqlirini köydürgen idi.

Mol yer asــti we yer üsti bayliq menbelirige ige bolghan mongghuliye ötken hepte, hakimiyet béshidiki birleshme hökümet ezalirining yérimidin köprekini teshkil qilghan mongghuliye xelq inqilabi partiyisi wekillirining bash ministir saxaygin elbigdorning hökümitidin istipa bérishi bilen chong bir siyasiy krizisqa duch kelgen idi.

Elbigdor, 16‏- yanwar küni roytrés agéntliqigha bergen bayanatida, mongghuliye xelq inqilabi partiyisining birleshme hökümetni aghdurushni meqset qilghan qarari, mongghuliyide xeterlik bir weziyetni peyda qildi, dédi.

Mongghuliyide hakimiyetning özgirishi yéngi bir ish emes, emma siyasiy mulahizichilar, bu qétimqi siyasiy özgirishning démokrastiyige tehdit qilidighan bir heriket ikenlikini bildürmekte. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.