Moskwada keng kölemlik yighilish ötküzüldi


2007-03-25
Share

Rusiyining paytexti moskwa shehiride prézidént wladimir putinni qollaydighan minglighan yashlarning yighilish pa'aliyiti ötküzüldi.

Rusiyining intérfakis agéntliqining uchuridin melum bolushiche, "bizningkiler" herikiti dep atalghan mezkur teshkilatningf 15 mingdin artuq ezasi yekshenbe küni moskwaning asasliq merkiziy kochiliri we meydanlirida yighilish hem marsh ötküzgen. Moskwa saqchi da'iriliri muqimliqni qoghdash üchün besh ming etrapida saqchi chiqirip, tertip saqlighan.

En'giliye radi'o-téléwiziye shirkiti b b s ning uchuridin qarighanda, bu heriketke qatnashqanlarning köpinchisi aliy mektep oqughuchiliri we moskwa sheher etrapidin kelgen yuqiri yilliq ottura mektep oqughuchiliridin ibaret bolup, ularning köpinchisi mexsus aptobuslar bilen moskwa shehirige bikarliq élip kélingen iken.

Xewerde körsitilishiche, "bizningkiler" herikitining bashliqi wasiliy yakéménko heriketke qatnishidighanlarning sanining 100 minggha yetküzilidighanliqini tekitligen. "Bizningkiler" herikitining qatnashquchiliri qizil-aq mayka kiygen, qollirigha "prézidént bilen munasiwetlik" dégen xetler yézilghan somka kötürgen bolup, bu ularning belgisi iken. Mezkur heriketning bashliqi 1-apreldin 1-iyun'ghiche bu heriketni dawam qilidighanliqi, buninggha téximu köp adem qatnishidighanliqini bildürgen.

Xewerlerge qarighanda, bundaq xildiki pa'aliyet ilgiri üch qétim ötküzülgen bolup, bir qanche ming kishi bir qanche kün lagérgha jem bolup, pa'aliyet ötküzgen, ulargha heqsiz tamaq bérilgen hem köngül échish pa'aliyetliri uyushturulghan.

Bir qisim közetküchiler "bizningkiler" dep atalghan bu heriketning wladimir putinni qollaydighanliqi, ularning kréml terepdarliri teripidin uyushuturulghanliqini otturigha qoymaqta.

Kéler yili putinning prézidéntliq möhliti toshidu. Rusiyide yéngidin prézidént saylimi bolush aldida turmaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet