Уйғур долан муқами венада көрситилмәкчи


2006.05.24

Уйғурларниң долан муқами бу йил 11 ‏- айда дунядики даңлиқ музика сарийи болған венаниң алтун тиятирханисида көрситилмәкчи.

Ақсу вилайити ават наһийиси әмәлдарлириниң мәлум қилишичә, бу долан муқамини көрситишкә баридиғанлар аваттики йәрлик хәлқләрдин тәшкилләнгән долан муқам ансамбили болуп, бу ансамбил 2001‏-йили қурулған икән. Шундақла униңға 106 киши әза болуп, улар 13 яштин 78 яшқичә болған хәлқ сәнәткарлири икән. Венадики сәнәт кечиликикә бу өмәктики он нәччә яшанған артист берип қатнишидикән.

Уйғурларниң "‏12 муқам" и 2005‏- йили бирләшкән дөләтләр тәшкилати тәрипидин "инсанларниң ағзаки вә ғәйри рәсмий мәдәний мираслири" тизимликигә киргүзүлгән болуп, шуниңдин буян уйғур муқами хәлқара сәнәт сәһнисидә көзгә көрүнүшкә башлиди.

Ақсу вилайити һазир өзгичә алаһидиликкә игә болған " долан мәдәнийити" ни қезиш, рәтләш вә тәтқиқ қилиш хизмәтлиригә күч чиқармақта. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.