Amérikida musteqilliq bayrimi

Bügün amérikining musteqilliq bayrimi. Amérikida 1776 ‏- yili 7 ‏-ayning 4 ‏- küni en'giliyidin bölünüp chiqip musteqilliq élan qilin'ghanliqini xatirileydighan musteqilliq bayrimi.

Bügün amérikining her qaysi jaylirida xelq musteqilliq bayrimini daghdughiliq tentene qildi. Parattin ötüsh, namayish qilish, naxsha -muzika numurlirini orunlash, salyut étish qatarliq pa'aliyetler élip bérildi. Xatirilesh pa'aliyetliride rehberler söz qilip, musteqiliq üchün hayatini béghishlighan weten qehrimanlirini eslep, ulargha hürmet bildürdi.

Adet boyiche amérikida musteqilliq bayrimi ötküzülidighan heptide dölet mejlisi yighin achmaydu. Parlamént ezaliri saylam rayonlirigha qaytip bérip, özlirini saylighan xelq bilen birlikte bayram pa'aliyiti ötküzidu.

Fransiye agéntliqining xewer qilishiche, amérika awam palatasi xelq'ara munasiwetler komitéti asiya-tinch okyan guruppisining bashliqi jim lich ependi amérikida ötküzüliwatqan bu musteqilliq bayrimining alahidiki heqqide toxtilip " amérika xususi hoquq asasida qurulghan dölet, xelqning öz qolidiki xususiy hoquqni dölet bermigen, döletning hoquqini xelq bergen, amérikida xususiy hoquq döletning hoquqidin ela, mana bu ‏biz amérikida musteqilliq bayrimini tebrikligende eng pexrlinidighan roh" dégen. (Weli)