Bu yil pütün yer sharida, 101 neper muxbir ziyankeshlikke uchrighan

Merkizi byuruséldiki xelq'ara axbaratchilar birleshmisi bayanat élan qilip, bu yil dunya boyiche 101 neper axbarat xadimining ziyankeshlikke uchrighanliqini ashkarilighan. Bu, 10 yildin buyan axbaratchilar eng köp ziyankeshlikke uchrighan bir yil hisaplinidiken.

Amérika birleshme agéntliqining bu heqte bergen xewirige qarighanda, mezkür bayanatta muxbirlarning iraqta duch kelgen xeterliridin sirt, nikaragu'a, fillipin qatarliq jaylardimu muxbirlar éghir ziyankeshlikke uchrighan.

Bu heqte toxtalghan, xelq'ara axbaratchilar birleshmisining bash katibi "axbaratchilar duch kelgen ziyankeshliktin melumki, nöwette muxbirlar we metbu'at xadimliri intayin chong bedel tölimekte" digen.

Xelq'ara axbaratchilar birleshmisi yene, muxbirlargha qarita élip bériliwatqan zorawanliq heriketlirini qet'iy yoqitish üchün tirishchanliq körsitdighanliqini tekitlidi.

Xitaymu, muxbirlar eng köp ziyankeshlikke uchraydighan döletlerning biri bolup, aldi bilen hökümetning metbu'at erkinlikige yol qoymasliq siyasiti, kishilerni bu döletning axbarat sahesige ishenmeslik derijisige élip barghan.

Xitay hökümiti hetta, yéqinda axbarat sahelirige mexsus buyruq chüshürüp, dölet ichide yüz bergen bir qisim weqeler bolupmu, hökümetke naraziliq bildürüsh weqelirini yuqirining testiqisiz élan qilmasliqni qarar qilghan. (Eqide)