Xelq'ara chégrisiz muxbirlar teshkilati türmidiki muxbirlarni qollash herikiti élip barmaqchi

Xelq'ara chégrisiz muxbirlar teshkilati peyshenbe küni 17 ‏- qétimliq " türmidiki muxbirlarni qollash küni" herikiti élip barmaqchi. Chégrisiz muxbirlar teshkilati mezkur heriketni élip bérish arqiliq xelq'ara metbu'atlarning her qaysi döletlerdiki türmilerde yétiwatqan muxbirlargha bolghan diqqitini qozghashni meqset qilghan.

Xelq'ara chégrisiz muxbirlar teshkilatining bu heqte bergen melumatida éytilishiche, hazir dunyada jemi 131 neper muxbir türmide yatqan bolup, ularning köp sandikiliri 10 yil, 15 yil hetta 20 yilliq qamaqqa élin'ghan.

Chégrisiz muxbirlar teshkilati körsetken türmidiki muxbirlar sani eng köp bolghan 5 chong dölet arisida, xitay birinchi orunni igiligen bolup, uningdin qalsa kuba, éfi'opiye we bérma qatarliq döletler iken.

Chégrisiz muxbirlar teshkilatining mes'uli "xitay, dunya boyiche türmige qamalghan muxbirlar sani eng köp bolghan dölet. Xitay peqet muxbirlarnila emes, belki intérnét tor betliride pikir bayan qilghan öktichilernimu qattiq kontrol qilip, xalighanche tutqun qilmaqta" dep tekitlep, xitay hökümitini qattiq eyiblidi. (Méhriban)