كىشىلىك ھوقۇقنى كۈزۈتۈش تەشكىلاتى خىتاينى ۋەدىسىگە ئەمەل قىلمىدى دەپ ئەيىبلىدى


2007-09-08
Share

خەلقئارا كىشىلىك ھوقۇقنى كۈزۈتۈش تەشكىلاتى يېقىندا دوكلات ئېلان قىلىپ، خىتاي ھۆكۈمىتىنىڭ خەلقئارا ئولىمپىك كومىتېتىغا " ئاخبارات ئەركىنلىكىگە كەڭ ئىمكانىيەت بېرىش " ھەققىدە بەرگەن ۋەدىسىگە ئەمەل قىلمىغانلىقىنى ئاشكارىلىدى.

فرانسىيە ئاگېنتلىقىنىڭ شەنبە كۈنى بەرگەن خەۋىرىگە قارىغاندا، خەلقئارا كىشىلىك ھوقۇق تەشكىلاتىنىڭ دوكلاتىدا تەكىتلىنىشىچە، خەلقئارا ئولىمپىك كومىتېتى 2001 ‏- يىلى خىتاي ھۆكۈمىتىنىڭ ئاخبارات ئەركىنلىكىگە كاپالەت بېرىش ۋەدىسىگە تايىنىپ، بېيجىڭگە ئولىمپىك مۇراسىمنى ئۆتكۈزۈش سالاھىتى بەرگەن ، گەرچە خىتاي ئۆتكەن يىلنىڭ ئاخىرى يېڭى قارار لاھىيىسى ماقۇللاپ، چەتئەل مۇخبىرلىرىغا زىيارەت ئەركىنلىكى بېرىشنى بېكىتكەن بولسىمۇ، ئەمما خىتايدىكى مۇخبىرلار بۇ ئەركىنلىكتىن بەھرىمەن بولالمايدىكەن.

مەلۇماتلارغا قارىغاندا، خىتايدىكى بىر قىسىم مۇخبىرلار ساقچىلار تەرىپىدىن نازارەت قىلىنىدىكەن.

خەلقئارا كىشىلىك ھوقۇقنى كۈزۈتۈش تەشكىلاتىنىڭ دوكلاتىدا كۆرسىتىلىشىچە، ئۆتكەن ئاي 5 نەپەر مۇخبىر ، زوراۋانلىق ھەركەتلىرىنى پاش قىلىش داۋامىدا قولغا ئېلىنغان، مەتبۇئاتنى قاتتىق كونترول قىلىۋاتقان ھۆكۈمەت نەچچە مىڭلىغان ئىنتېرنېت تور بەتلىرىنى تاقىغان، بۇ سەۋەبلىك خەلقئارا كىشىلىك ھوقۇقنى كۈزۈتۈش تەشكىلاتى ئەگەر كېلەر يىلى بېيجىڭدا ئولىمپىك مۇراسىمى ئۆتكۈزۈلسە ، مۇخبىرلارنىڭ ئەركىن زىيارەت ئېلىپ بېرىشىغا گۇمان بىلەن قارايدىغانلىقىنى بىلدۈرمەكتە. (ئۆمەر قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت