Kishilik hoquqni küzütüsh teshkilati xitayni wedisige emel qilmidi dep eyiblidi


2007-09-08
Share

Xelq'ara kishilik hoquqni küzütüsh teshkilati yéqinda doklat élan qilip, xitay hökümitining xelq'ara olimpik komitétigha " axbarat erkinlikige keng imkaniyet bérish " heqqide bergen wedisige emel qilmighanliqini ashkarilidi.

Fransiye agéntliqining shenbe küni bergen xewirige qarighanda, xelq'ara kishilik hoquq teshkilatining doklatida tekitlinishiche, xelq'ara olimpik komitéti 2001 ‏- yili xitay hökümitining axbarat erkinlikige kapalet bérish wedisige tayinip, béyjingge olimpik murasimni ötküzüsh salahiti bergen , gerche xitay ötken yilning axiri yéngi qarar lahiyisi maqullap, chet'el muxbirlirigha ziyaret erkinliki bérishni békitken bolsimu, emma xitaydiki muxbirlar bu erkinliktin behrimen bolalmaydiken.

Melumatlargha qarighanda, xitaydiki bir qisim muxbirlar saqchilar teripidin nazaret qilinidiken.

Xelq'ara kishilik hoquqni küzütüsh teshkilatining doklatida körsitilishiche, ötken ay 5 neper muxbir , zorawanliq herketlirini pash qilish dawamida qolgha élin'ghan, metbu'atni qattiq kontrol qiliwatqan hökümet nechche minglighan intérnét tor betlirini taqighan, bu seweblik xelq'ara kishilik hoquqni küzütüsh teshkilati eger kéler yili béyjingda olimpik murasimi ötküzülse , muxbirlarning erkin ziyaret élip bérishigha guman bilen qaraydighanliqini bildürmekte. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet