"Сингапор боғузи вақти" гезитиниң мухбири чин шяң муддәттин бурун қоюп берилди


2008.02.05

Хитай һөкүмити тәрипидин тәйвәнгә җасуслуқ қилиш билән әйиблинип 5 йиллиқ қамақ җазасиға һөкүм қилинған "сингапор боғузи вақти" гезитиниң мухбири чин шяң, сәйшәнбә күни хоңкоңда аилисидикилири билән җәм болғандин кейин, өзиниң муддәттин бурун қоюп берилгәнликини җакарлиди.

Хитай даирилири болса чең шяңниң җаза муддитиниң йеримидин көпрәкини ахирлаштуруш шәртини һазирлиғанлиқи үчүн, қалған җаза муддитини соттин сиртта иҗра қилишқа һөкүм чиқарғанлиқини билдүргән.

Хоңкоң мухбирлар җәмийити рәиси фән, чең шяңниң қоюп берилгәнлики мунасивити билән елан қилған баянатида " ахбарат принсипи буйичә мухбирлиқ қилип кәлгән чең шияңниң бәхитсизләрчә түрмигә елиниши наһайити әпсуслинарлиқ иш һесаблиниду, буниңдин кейин бундақ вәқәниң қайтиланмаслиқини үмид қилимиз, биз изчил чең шяңниң гунаһсизлиқиға ишинәттуқ, шундақтиму униң та қоюп берилгичә 1000 кечә- күндүзни түрмидә өткүзгәнликидин ечинимиз " дәп билдүргән.

Чең шяң 2005 ‏- йили гуаңҗуда қолға елинип,бейҗиң соти 2006 - йили 8 - айда " тәйвәнгә хитай тоғрисида ахбарат йәткүзгән җасус дәп әйибләп униңға бәш йиллиқ қамақ җазаси бәргән, сиясий һоқуқидин бир йил мәһрум қилған һәмдә 300миң йүән шәхси пулини мусадирә қилған.

Шу йили 11 - айда чең шяңниң наразилиқ әрзи рәт қилинип гуаңҗу тийәнхе түрмисигә қамалған. У хитай һөкүмити тәрипидин қолға елинғандин башлап 34 ай әркинликидин мәһрум қилинғандин кейин сәйшәнбә күни қоюп берилди.

язғучиларни қоғдаш тәшкилатиниң билдүрүшичә, хитайда түрмигә қамалған қәләмкәшләр 29 ға йәткән болуп, хитай язғучи һәм мухбирларни әң көп түрмигә ташлиған дөләт дегән рекортини сақлап кәлмәктә. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.