"Sin'gapor boghuzi waqti" gézitining muxbiri chin shyang muddettin burun qoyup bérildi

2008-02-05
Élxet
Pikir
Share
Print

Xitay hökümiti teripidin teywen'ge jasusluq qilish bilen eyiblinip 5 yilliq qamaq jazasigha höküm qilin'ghan "sin'gapor boghuzi waqti" gézitining muxbiri chin shyang, seyshenbe küni xongkongda a'ilisidikiliri bilen jem bolghandin kéyin, özining muddettin burun qoyup bérilgenlikini jakarlidi.

Xitay da'iriliri bolsa chéng shyangning jaza mudditining yérimidin köprekini axirlashturush shertini hazirlighanliqi üchün, qalghan jaza mudditini sottin sirtta ijra qilishqa höküm chiqarghanliqini bildürgen.

Xongkong muxbirlar jem'iyiti re'isi fen, chéng shyangning qoyup bérilgenliki munasiwiti bilen élan qilghan bayanatida " axbarat prinsipi buyiche muxbirliq qilip kelgen chéng shiyangning bexitsizlerche türmige élinishi nahayiti epsuslinarliq ish hésablinidu, buningdin kéyin bundaq weqening qaytilanmasliqini ümid qilimiz, biz izchil chéng shyangning gunahsizliqigha ishinettuq, shundaqtimu uning ta qoyup bérilgiche 1000 kéche- kündüzni türmide ötküzgenlikidin échinimiz " dep bildürgen.

Chéng shyang 2005 ‏- yili gu'angjuda qolgha élinip,béyjing soti 2006 - yili 8 - ayda " teywen'ge xitay toghrisida axbarat yetküzgen jasus dep eyiblep uninggha besh yilliq qamaq jazasi bergen, siyasiy hoquqidin bir yil mehrum qilghan hemde 300ming yüen shexsi pulini musadire qilghan.

Shu yili 11 - ayda chéng shyangning naraziliq erzi ret qilinip gu'angju tiyenxé türmisige qamalghan. U xitay hökümiti teripidin qolgha élin'ghandin bashlap 34 ay erkinlikidin mehrum qilin'ghandin kéyin seyshenbe küni qoyup bérildi.

Yazghuchilarni qoghdash teshkilatining bildürüshiche, xitayda türmige qamalghan qelemkeshler 29 gha yetken bolup, xitay yazghuchi hem muxbirlarni eng köp türmige tashlighan dölet dégen rékortini saqlap kelmekte. (Gülchéhre)

Pikirler (0)
Share
Toluq bet