Чегрисиз мухбирлар тәшкилати хитайни әйиплиди


2004-12-15
Share

Мәркизи париждики хәлқара чегрисиз мухбирлар тәшкилати чаршәнбә күни баянат елан қилип, хитайни атағлиқ өктичи хитай язғучилар лю шавбо билән ю җйеләрни паракәндә қилиш билән тәнқид қилди. Чегрисиз мухбирлар тәшкилатиниң ашкарилишичә, лю шавбо билән ю җйе дүшәнбә күни бейҗиңда сақчилар тәрипидин елип кетилгән.

Нөвәттә һәр икки язғучи қоюп берилгән болсиму бирақ, чеграсиз мухбирлар тәшкилати уларниң сақчилар тәрипидин назарәт астиға елинғанлиқини илгири сүргән. Баянатта ашкарилишичә, ю җйе бу йил 9 - айда франсийини зиярәт қилиш җәрянида, чегрисиз мухбирлар тәшкилатини өз ичигә алған франсийидики бәзи кишилик һоқуқ органлирини зиярәт қилған икән.

Баянатта йәнә бейҗиңлиқ өктичи язғучилардин җаң зухүаниңму юҗйе вә лю шавболар билән бирликтә паракәндә қилинғанлиқини елан қилған. Чегрисиз мухбирлар тәшкилати, баянатиниң ахирида хитай даирилирини пуқраларниң сөз вә мәтбуат әркинликигә капаләтлик қилишқа чақирған.

Чегрисиз мухбирлар тәшкилати, хитай баш министири вен җябав бреюселни зиярәт қилишни сәл алдида баянат елан қилип, явропа иттипақидин хитайға қаритилған қорал- имбаргони бикар қилмаслиқни тәләп қилған иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт