Chégrisiz muxbirlar teshkilati xitayni eyiplidi


2004-12-15
Share

Merkizi parizhdiki xelq'ara chégrisiz muxbirlar teshkilati charshenbe küni bayanat élan qilip, xitayni ataghliq öktichi xitay yazghuchilar lyu shawbo bilen yu jyélerni parakende qilish bilen tenqid qildi. Chégrisiz muxbirlar teshkilatining ashkarilishiche, lyu shawbo bilen yu jyé düshenbe küni béyjingda saqchilar teripidin élip kétilgen.

Nöwette her ikki yazghuchi qoyup bérilgen bolsimu biraq, chégrasiz muxbirlar teshkilati ularning saqchilar teripidin nazaret astigha élin'ghanliqini ilgiri sürgen. Bayanatta ashkarilishiche, yu jyé bu yil 9 - ayda fransiyini ziyaret qilish jeryanida, chégrisiz muxbirlar teshkilatini öz ichige alghan fransiyidiki bezi kishilik hoquq organlirini ziyaret qilghan iken.

Bayanatta yene béyjingliq öktichi yazghuchilardin jang zuxü'aningmu yujyé we lyu shawbolar bilen birlikte parakende qilin'ghanliqini élan qilghan. Chégrisiz muxbirlar teshkilati, bayanatining axirida xitay da'irilirini puqralarning söz we metbu'at erkinlikige kapaletlik qilishqa chaqirghan.

Chégrisiz muxbirlar teshkilati, xitay bash ministiri wén jyabaw bréyusélni ziyaret qilishni sel aldida bayanat élan qilip, yawropa ittipaqidin xitaygha qaritilghan qoral- imbargoni bikar qilmasliqni telep qilghan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet