Öktichiler aq saray aldida namayish ötküzüp xu jintawning ziyaritige naraziliq bildürdi


2006.04.20
Share on WhatsApp
Share on WhatsApp

Amérika prézidénti jorj bush peyshenbe küni aq sarayda xitay dölet re'isi xu jintawni kütüwaldi.

Ikki dölet rehberliri murasimda nutuq sözlep, öz ‏- ara munasiwitini téximu tereqqi qildürüsh üchün öz ipadilirini bildürüshti.

Prézidént bush nutqida, ikki terepning iqtsadiy hemkarliqini kücheytish bilen birge, xelq'ara mesililerde bolupmu iran, koriye yadro qoralliri mesiliside ortaq tirishchanliq körsitishni otturigha qoydi.

Bush yene, "bir junggo" prinsipini tekitlesh bilen birge xu jintawdin xitayda söz we diniy erkinlikke téximu keng yol qoyulushini ümid qilidighanliqini bildürdi.

Xitay dölet re'isi xu jintaw nutuq sözlewatqan peytte, muxbirlar arisidiki bir ayal yuqiri awazda warqirap naraziliq bildürdi, melum bolushiche bu ayal falunggong teriqining qollighuchisi bolup, kéyin saqchilar uni aq saraydin élip chiqip ketken.

Bu arida, aq sarayning yénidiki lafayét baghchisida amérikidiki Uyghurlar, tibetler, teywen müsteqilchiliri we falunggong muritliri birlikte bayraq we lozunkilirini kötürüshüp keng kölemlik naraziliq namayishi élip bardi.

Uyghurlar, xu jintaw bu yerdin yoqal, Uyghurlargha erkinlik, Uyghurlargha musteqilliq dégen'ge oxshash shu'arlarni towlidi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet