Moskwada öktichilerning namayishi yüz berdi


2006.12.17

Rusiye agéntliqlirining uchurliridin qarighanda, moskwa saqchi da'iriliri zor sanda saqchi ajritip namayischilarni qorshiwalghan. Xewerlerdin qarighanda, namayishchilarning sani 2000 mingdin ashqan bolup, naraziliq bildürgüchiler krémil sariyining yéqindin buyan yürgüzüwatqan démokratiyige qarshi turup, pütün hoquqlarni merkezleshtüriwélishigha qarshiliq bildürgen. Namayishni rusiye milliy bolshéwiklar partiyisi, puqralar birleshme fronti we rusiye xelq démokratik partiyisi qatarliqlar teshkilligen.

Rusiye da'iriliri tik uchar ayropilanlarni ishqa salghandin sirt yene namayishchilargha su chachqan we chong kamaz mashinilar arqiliq ularning bashqa asasliq kochilargha kéngiyishini tosqan.

Yekshenbe küni "bizningkiler" dep atalghan yashlar teshkilati moskwa, sankit pétérburg qatarliq 50 nechche rusiye shehiride namayish uyushturghan bolup, moskwa shehiridiki namayishqa 25 ming " qar boway" kiyimi kiygen yash qatniship, 1941-yili 16-dekabirdiki moskwa urushining ghelibisining 65 yilliqini xatirilep, barliq urush qatnashquchilirigha sogha teqdim qilghan.

Bu qétimqi namayishkilarning terkibi murekkep bolup, hetta fashistliq pikir éqimgha mensup yashlarmu meydan'gha chiqip, démokratik pikirdikiler arisida toqunush yüz bergen. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.