Bérma herbiy hökümiti namayish qilghan xelqqe oq chiqardi


2007-09-26
Share

Bérmida xelq yéqilghu bahasi örlep ketkenlikige qarshi ötküzgen namayish dawam qilip 9 ‏- kün bolghanda, bérma herbiy hökümiti namayish qilghan rahiplarni qoralliq basturdi. Fransiye agéntliqining bayan qilishiche, namayishchilardin az dégende 4 ademge oq tégip ölgen, 100 din artuq adem yarilan'ghan, 200 adem qolgha élin'ghan. Komédiye ertisi zaganar we erkin yazghuchi winniyan qatarliq meshhur erbablar öyidin tutup kétilgen.

Birleshme agéntliqining bayan qilishiche, bérma herbiy hökümiti25 ‏- séntebir küni 60 kün'giche kech sa'et 9 din etigen sa'et 5 kiche kochilarda beshtin köp adem topliship méngishqa bolmaydu, dep jakarlighan we yanggun shehiridiki 6 budda ibadetxanisini muhasirige élip, rahiplarning herikitige nazaret qilishqa bashlighan. Bu 1998 ‏- yili namayish qilin'ghan muhim jaylar idi. Eyni waqitta mushu jaylarda 3000 adem öltürülgen idi.

B b s ning bayan qilishiche, birleshken döletler teshkilati 26 ‏- séntebir küni kechte jiddiy yighin chaqirip bérma weziyitini muzakire qilidu.Amérika prézidénti jorj bush bérma herbiy hökümiti bilen iqtisadiy munasiwiti bar kishilerning amérikigha kirishi cheklinidighanliqini jakarlidi. Awstraliye hökümiti bérma hökümitige xitay bilen hindistan bésim ishlitishi kérek, dep teshebbus otturigha qoyghan. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet