Хәлқара тәшкилат: чириклик намратлиққа сәвәб болмақта


2005.10.18

Баш штаби берлиндики " хәлқаралиқ очуқ- йоруқ болуш тәшкилати" сәйшәнбә күни дунядики чириклик әһваллири һәққидә доклат елан қилип, 2005 - йили һөкүмәт вә аммиви мулазимәт орунлиридики еғир чириклик әһваллириниң, дунядики үчтин икки қисим дөләтләргә апәт елип келиватқанлиқини билдүрди.

Мәзкур тәшкилат,159 дөләттики һөкүмәт вә аммиви орунлар үстидин тәкшүрүш елип, чирикликниң еғир- йиникликигә қарап дөләтләрни рәткә тизип чиққан. Бингал вә чат бу тизимликтә әң ахирқи орунни игилигән болуп, улар дунядики чириклик әһвали әң еғир дөләтләр һесабланған.

Доклатта көрситилишичә, хитай бу тизимликтә 78 - орунда игилигән. Һалбуки хоңкоң 15 - орунни, тәйвән 32 - орунни игилигән болуп, улардики чириклик әһваллири хитайдин көп йиник икән.

Мәзкур тәшкилатниң билдүрүшичә, чириклик нөвәттә намратлиқни кәлтүрүп чиқириватқан асаслиқ сәвәбләрниң бир болупла қалмай, шундақла йәнә намратлиқни түгитиштикиму әң чоң тосалғу болмақта. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.