Xelq'ara teshkilat: chiriklik namratliqqa seweb bolmaqta

Bash shtabi bérlindiki " xelq'araliq ochuq- yoruq bolush teshkilati" seyshenbe küni dunyadiki chiriklik ehwalliri heqqide doklat élan qilip, 2005 - yili hökümet we ammiwi mulazimet orunliridiki éghir chiriklik ehwallirining, dunyadiki üchtin ikki qisim döletlerge apet élip kéliwatqanliqini bildürdi.

Mezkur teshkilat,159 dölettiki hökümet we ammiwi orunlar üstidin tekshürüsh élip, chiriklikning éghir- yiniklikige qarap döletlerni retke tizip chiqqan. Bin'gal we chat bu tizimlikte eng axirqi orunni igiligen bolup, ular dunyadiki chiriklik ehwali eng éghir döletler hésablan'ghan.

Doklatta körsitilishiche, xitay bu tizimlikte 78 - orunda igiligen. Halbuki xongkong 15 - orunni, teywen 32 - orunni igiligen bolup, ulardiki chiriklik ehwalliri xitaydin köp yinik iken.

Mezkur teshkilatning bildürüshiche, chiriklik nöwette namratliqni keltürüp chiqiriwatqan asasliq seweblerning bir bolupla qalmay, shundaqla yene namratliqni tügitishtikimu eng chong tosalghu bolmaqta. (Arzu)