Русийә америкиниң баянатиға наразилиқ билдүрди


2006-01-06
Share

Русийә һөкүмити, америка ташқи ишлар минстири кондализа райсниң русийә билән украинийә оттурисида тәбий газ мәсилисидә оттуриға чиққан ихтилап тоғрисидики сөзлиригә қаттиқ наразилиқ билдүрди.

Америка ташқи ишлар минстири5 ‏-январ күни русийиниң украинийигә бериватқан тәбий гезиниң баһасини бурунқидин төт һәссә ашуруши '' сиясий мәқсәтләр ни нишан қилған '' дәп көрсәткән һәмдә ''москваниң бу һәрикити русийиниң техи дуняни енергийә билән тәминләштә мәсулийәтчан бир дөләт болалмиғанлиқини көрситиду '' дегән иди.

Русийә ташқи ишлар министирлиқи 6 ‏- январ күни бир баянат елан қилип, кондализа райсниң сөзлириниң қайси пакитларға таянғанлиқи мәлум әмәсликини, һәмдә америка ташқи ишлар министириниң баянатиниң русийә һөкүмитини әҗәбләндүргәнликини билдүрди.

Нурғунлиған мутәхәссисләр, русийиниң украийинигә бериватқан тәбий гезиниң баһасини туюқсиз өрлитишини, өткән йилидики сайламда москваниң кандидатини әмәс, ғәрб дөләтлири қоллиған виктор йүшчинкони президент сайлиғанлиқи үчүн украинийә хәлқини җазалаш дәп тәбирлимәктә. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт