Sh a o e t afghanistantiki qismlirini kéngeytishke qoshuldi
2005.02.11
Fransiyining nis shehiride peyshenbe küni chaqirilghan sh a o e t (shimaliy atlantik okyan ehdi teshkilati NATO) ning mudapi'e ministirlar yighini, afghanistandiki herbiy qisimlirini mezkur döletning gherbidiki rayonlargha kéngeytishke qoshuldi. Sh a o e t ministirlar yighini, mezkur qararni sh a o e t diki amérika qatarliq üch ittipaqdash döletning teklipige boyiche chiqarghan.
Bu qarar, sh a o e t ning afghanistandiki tinchliq herikitini kéngeytish pilanining bir qisimi bolup, sh a o e t ning wezipisi afghanistanda tinchliqni qoghdash shundaqla hamid karzay hökümitining tesir küchini bashqa ölkilerge kéngeytishtin ibaret.
Sh a o e t ning bash katipi shéfirning bildürüshiche, mezkur herbiy teshkilat afghanistan'gha ewetilidighan qisimlarni békitip bolghan. Ittipaq terkiwidiki italiye, ispaniye we létwa qatarliq döletlerning herbiy qisimliri pat arida gherbiy afghanistan'gha orunlishidiken.
Hazir sh a o e t ning afghanistandiki tinchliqni qoghdash qoshunining terkiwide ikki amérika qisimi wezipe ötewatidu. Amérika , sh a o e t ni afghanistandin sirt iraqtimu wezipe élishqa ündimekte. Sh a o e t ning iraq qisimlirini terbiyileshke meyli bardek qilsimu biraq, telim terbiyining qeyerde élip bérilidighanliqini muzakire qilishqa toghra kélidiken. (Erkin)