Shimaliy atlantik ehdi teshkilati afghanistanning bixeterliki üchün xizmet körsetmekte

• 
  2006-10-05

Shimaliy atlantik ehdi teshkilati peyshenbe küni, afghanistandiki chet'el qoshunlirining herbiy qomandanliq xizmitini pütünley ötküzüwaldi.

Royétiris agéntliqining xewirige qarighanda, shimaliy atlantik ehdi teshkilati yeni nato, amérika herbi da'iriliri teripidin bashquruluwatqan barliq qomandanliq hoquqini tapshurup élip, afghanistanning shimaliy, gherbiy, jenubiy hemde paytext kabulni öz ichige alghan rayonlarning bixeterlikini qoghdash ishlirini yolgha qoyushqa bashlidi.

Nato teshkilatining bayanatchisi, natoning nöwette élip baridighan eng muhim wezipisining, afghanistanning bixeterlikini ashurup, afghanistanni qayta qurush terepte ünümlük netije yaritishni meqset qilghanliqini bildürdi.

Afghanistanda natoning qomandanliqi astida wezipe ötewatqan herbi qisimlarning sani 33 ming bolup, bularning ichide 12 minggha yéqin esker amérika eskerliri hésablinidu. Afghanistan tarixtin buyan , nato eskerliri eng köp orunlashqan döletlerning biri.