Нато балқан районда зораванлиқиниң қайтилинишиға йол қоймайдиғанлиқини җакарлиди


2007.12.07
Share on WhatsApp
Share on WhatsApp

Сирбийә һөкүмити косоваға қарита уруш қозғаш пикрини мәйданға чиқарғандин кийин, җүмә күни шималий атлантик әһди тәшкилати белгийидә ечилған бир йиғинда, һәр қандақ гуруппиларниң балқан районида зораванлиқини қайта көтүрүп чиқишиға йол қоймайдиғанлиқи тоғрисида вәдә бәрди.

С н н ахбарат қанилида көрситилишичә, мәзкур йиғинда шималий атлантик әһди тәшкилати йәнә, косованиң кәлгүсини вәйран қилиш характеригә игә һәр қандақ шәкилдики зораванлиқ һәрикәтлиригә тақабил туруш учун өз қошунлирини һәр заман һушяр тутидиғанлиқини муқимлаштурди.

Косовада наһайити аз сандики серблардин башқа, косованиң асасий аһалисини йәрлик албан миллити тәшкил қилидиған болуп, серб һөкүмити албан мусулманлар устидин қанлиқ бастуруш вә ирқи қирғинчилиқ елип барғандин кийин 1999- америка башчилиқидики нато қошунлири бу йәрдин серб қошунлирини қоғлап чиқарған. Шундин етибарән косовада бирләшкән дөләтләр тәшкилати тинчлиқ сақлаш қисимлири туруватқан болуп, әмма, б д т ниң мәзкур райондики тинчлиқ сақлаш келишими келәр һәптә аяғлишиду.

Мәлум болушичә, натоға әза дөләтләрниң дипломатлири тинчлиқ сақлаш мәсилисидә 4 айдәк сөһбәт елип барған болсиму, келишим һасил қилалмиған иди.

Һалбуки, сербийә баш министириниң мәслиһәтчиси пәйшәнбә күни, сербийә дөләт телевизийисидә баянат елан қилип, өз дөлитиниң бирликини сақлаш үчүн " һәрқандақ васитиләр" ни қоллинишқа тәйяр икәнликини билдүргән.

С н н ахбарат қанилида көрситилишичә, сербийә баш министириниң мәслиһәтчиси волҗислав киостуника: " башқилар б д т бихәтәрлик кеңишини һөрмәт қилмиған йәрдә, биздә уруштин башқа таянч қалмиди" дегән. Әмма, натониң баш катипи хуп шеффер, натониң балқан районида қан төкүлүшниң қайтилинишиға чидап турғили болмайдиғанлиқини көрситип: " биз қан төкүшни қайта мәйданға чиқармақчи болған һәр қандақ бирсигә қарши һәрикәт қоллинимиз " деди.

Мәлум болушичә , натониң косовада һазир 16 миң кишилик қошуни бар болуп, нато изчил һалда косовада охшаш санда әскәр сақлайдиғанлиқини билдүрди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт