Nato balqan rayonda zorawanliqining qaytilinishigha yol qoymaydighanliqini jakarlidi

Sirbiye hökümiti kosowagha qarita urush qozghash pikrini meydan'gha chiqarghandin kiyin, jüme küni shimaliy atlantik ehdi teshkilati bélgiyide échilghan bir yighinda, her qandaq guruppilarning balqan rayonida zorawanliqini qayta kötürüp chiqishigha yol qoymaydighanliqi toghrisida wede berdi.

S n n axbarat qanilida körsitilishiche, mezkur yighinda shimaliy atlantik ehdi teshkilati yene, kosowaning kelgüsini weyran qilish xaraktérige ige her qandaq shekildiki zorawanliq heriketlirige taqabil turush uchun öz qoshunlirini her zaman hushyar tutidighanliqini muqimlashturdi.

Kosowada nahayiti az sandiki sérblardin bashqa, kosowaning asasiy ahalisini yerlik alban milliti teshkil qilidighan bolup, sérb hökümiti alban musulmanlar ustidin qanliq basturush we irqi qirghinchiliq élip barghandin kiyin 1999- amérika bashchiliqidiki nato qoshunliri bu yerdin sérb qoshunlirini qoghlap chiqarghan. Shundin étibaren kosowada birleshken döletler teshkilati tinchliq saqlash qisimliri turuwatqan bolup, emma, b d t ning mezkur rayondiki tinchliq saqlash kélishimi kéler hepte ayaghlishidu.

Melum bolushiche, natogha eza döletlerning diplomatliri tinchliq saqlash mesiliside 4 aydek söhbet élip barghan bolsimu, kélishim hasil qilalmighan idi.

Halbuki, sérbiye bash ministirining meslihetchisi peyshenbe küni, sérbiye dölet téléwiziyiside bayanat élan qilip, öz dölitining birlikini saqlash üchün " herqandaq wasitiler" ni qollinishqa teyyar ikenlikini bildürgen.

S n n axbarat qanilida körsitilishiche, sérbiye bash ministirining meslihetchisi woljislaw ki'ostunika: " bashqilar b d t bixeterlik kéngishini hörmet qilmighan yerde, bizde urushtin bashqa tayanch qalmidi" dégen. Emma, natoning bash katipi xup shéffér, natoning balqan rayonida qan tökülüshning qaytilinishigha chidap turghili bolmaydighanliqini körsitip: " biz qan töküshni qayta meydan'gha chiqarmaqchi bolghan her qandaq birsige qarshi heriket qollinimiz " dédi.

Melum bolushiche , natoning kosowada hazir 16 ming kishilik qoshuni bar bolup, nato izchil halda kosowada oxshash sanda esker saqlaydighanliqini bildürdi. (Jüme)