Русийә қисимлири әгәр натоға әза дөләтләрдин чиқип кәтмисә, нато әмди бурунқи келишимниң чәклимисигә учримайду


2007.11.21

Шимали атлантик окян әһди тәшкилати (нато)ниң чех, полшаларда башқурулидиған бомбидин мудапиәлиниш сестимиси орунлаштурғанлиқиға қарита русийә җиддий инкас қайтурди.

Б б с ниң бүгүн баян қилишичә, русийә президенти виладимер путин 'натониң чегрида әскәр топлишиға қарита әмди русийә қарап турмайду' деди. У сөзидә йәнә натони 'бурун түзгән келишимләргә әмәл қилмиди' дәп әйиблиди.

Хәвәрдә баян қилинишичә, нато болса буниңға қарита, башқурулидиған бомбидин мудапиәлиниш сестимисиниң нишани русийигә қаритилмиған, бәлки бәзи лүкчәк дөләтләрниң уштумтут һуҗумидин сақлинишни мәқсәт қилиду, дәп қайта җакарлиғандин башқа йәнә, сабиқ 'варшава шәртнамиси'дики дөләтләрниң бир қисми натоға әза болуп кирди.

Буниң билән 1990 ‏- йили нато билән варшава шәртнамиси тәшкилати оттурисида түзүлгән 'явропадики мунтизим қораллиқ күчләр келишими' ниң мәзмуни өзгәрди. Әмди русийә қисимлири әгәр натоға әза дөләтләрдин чиқип кәтмисә, нато бурунқи келишимниң чәклимисигә учримайду, дәп җакарлиди. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.