Yaponiye, shirketlirining sherqiy déngiz sahilida néfit qidirishigha yol qoymaqchi


2005.04.13
Share on WhatsApp
Share on WhatsApp

Yaponiye hökümiti charshenbe küni shexsiy shirketlerning talash-tartishtiki sherqiy déngiz sahilida néfit qidirish ishliri bilen shughullinishigha yol qoyidighanliqini jakarlidi. Xitay hökümiti bu rayonlarni özining dölet tewelikige tewe dep qaraytti.

Tokyoning bu bayanati xitayda yaponiyining tarix derslikike qarshi élip bérilghan keng-kölemlik namayishidin kéyin chiqirilghan bolsimu, emma yaponiye bash ministiri junichiru koyzumi buning xitaydiki namayish bilen héchqandaq alaqisi yoqliqini bildürdi. Nöwette analizchilar, xitay hökümitining buninggha téximu naraziliq bildürüshi mumkinlikini perez qilmaqta.

Sherqiy déngiz sahili yaponiye bilen xitay izchil taliship kéliwatqan rayonlar bolup, yaponiye ilgiri köp qétim xitayning bu jaylarda élip bériwatqan néfit qidirish ishlirining yaponiye térritoriyisige kirip ketkinige qarshi chiqqan idi. Biraq xitay hökümiti buninggha pisent qilmidi.

Yaponiye shirketliri bolsa 1960 - yillardin bashlapla bu rayonlarda néfit qidirishni telep qilip kelgen bolup, lékin yaponiye hökümiti bu rayonlar talash-tartishtiki jaylar bolghanliqi üchün, yaponiye shirketlirining teliwini qobul qilmighan idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.