Русийә билән хитай қазақистанниң нефитини талашмақта


2005.10.30

Русийиниң әң чоң лукойил нефит ширкити билән хитайниң дөләт игилигидики хитай нефит тәбиий газ ширкитиниң қазақистан нефитини талишиш көриши өткән һәптә бир қәдәр җиддийләшти. Шундақла һәр иккила тәрәп қазақистанниң нефит байлиқини қолға кәлтүрүш үчүн адвокат тутқан.

Русийә билән хитайниң арисиға җайлашқан қазақистан, каспий деңизи районидики нефит записи әң юқири җай болуп, бу район һәтта дуня сода базиридики хам нефит билән тәминләш йошурун күчи әң чоң болған райондур.

Хитайниң нефиткә җиддий еһтияҗи түпәйлидин, канада сот мәһкимиси өткән һәптә канаданиң қазақистандики петро- қазақистан нефит ширкитини хитай нефит тәбиий газ ширкитигә сетип беришни қарар қилған иди. Әмма бу сода русийә лукойил ширкитиниң наразилиқини қозғиди.

Қазақистандики турғай нефит ширкити, русийиниң лукойил нефит ширкити билән мәзкур петро-қазақистан ширкитиниң аситидики бир тармақ ширкәт болуп, шуңа лукойил турғайдики үстүнлүкидин пайдилинип, хитайниң петро-қазақистанни сетивелишиға қарши турған иди.

Нөвәттә хитай нефит тәбиий газ ширкити петро-қазақистанни сетивалғандин кейин, хитай турғайниңму 50% пейиға еришидикән. (Пәридә)

© 2005 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.